Біздің мектепте 1 қазанда Қарттар күніне арналған "Қамқор жүрек" еріктілер акциясы өтті. Акцияның басты мақсаты-өскелең ұрпақты аға буынға деген құрметке, мейірімділікке, жауапкершілікке және назар мен қамқорлыққа мұқтаж адамдарға көмек көрсетуге дайын болуға тәрбиелеу.
Акция аясында оқушылар аға буын өкілдеріне көңіл бөліп, қамқорлық көрсетті, оларға барынша көмек көрсетті, мерекемен құттықтап, зор денсаулық, амандық және ұзақ өмір тіледі.
Мұндай игі істер балаларды үлкендерге құрметпен қарауға, жанашырлыққа, мейірімділікке және көмекке келуге дайын болуға тәрбиелейді. "Қамқор жүрек" - бұл жай ғана акцияның атауы емес, әрқайсымызға еске салу: жақсылық назардан, құрмет пен көмектесуге деген ұмтылыстан басталады!
Аға ұрпақтың барлық өкілдеріне зор денсаулық, амандық, рухани жылулық, ұзақ өмір және күлімсіреуге көп себеп тілейміз!
